Ғиждувон туманида “Бухоро Агрокластер” МЧЖ Швейцариянинг “Gertsi” халқаро консультатив компанияси билан хамкорликда синтетик тола - полиэстер ишлаб чиқарувчи “Бухоро синтетик тола” МЧЖ корхонаси қурилиши бўйича лойиҳани жорий йилнинг 3- чорагидан амалга оширишни бошламоқда.

      Пахта толаси ресурслари чекланганлиги сабабли яқин келажакда тўқимачилик корхоналарига пахта толаси билан аралашмалар ишлаб чиқариш учун синтетик толалар зарур бўлишлигидан келиб чиқиб, ушбу корхонани барпо этилиши вилоят иқтисодиёти учун мухим аҳамият касб этади. Йилига 50 000 тонна лавсан(полиэстер) ишлаб чиқариш қувватига ва 51,6 миллион евро экспорт салоҳиятига эга бўлган бу корхонанинг қурилиши учун 70,0 миллион евро инвестиция киритилиши мўлжалланмоқда.

     Импортнинг олдини олиш ва ишлаб чиқариш таннархини пасайтириш мақсадида оригинал ПЕТ (полиетилен терефталат) гранулаларидан олинадиган полиэстер ип ва полиэстер штапел толасини ишлаб чиқариш режалаштирилган бўлиб, уларни ишлаб чиқариш ҳам шу корхонада ташкил этилади.

     Корхонанинг технологик линияларини Европа давлатларидан келтириладиган илғор технологик асбоб-ускуналар билан жиҳозлаш учун 42,5 миллион евро ажратилади.

     Ушбу лойиҳанинг қопланиш муддати 5 йилга мўлжалланган. Корхонани ишга туширилиши билан унда 450 та иш ўрни яратилади.    

     Корхонани ишга туширилиши 2024 йилнинг 4-чорагига режалаштирилган.

                                                                                                                                                                                                                                                                                                                                                                                                                                                                                                                                                     Матбуот хизмати.