«Бухоро Агрокластер» МЧЖ далаларида, ноқулай об-ҳаво шароитларига қарамай, 2022 йилги мавсум пахта ҳосили учун чигит экиш какмпанияси жадал суръатларда олиб борилмоқда. Агрокластер хўжаликлари бу йилда вилоят бўйича 43 минг 692 гектар майдонда, шундан 1 минг 697 гектар майдонда "Бухоро Агрокластер" МЧЖ бўлинмаларида пахта экишни амалга оширадилар.

    Вобкент туманида 41 гектар майдонда пахта плёнка остида экилмоқда.  Сувни тежайдиган технологиялардан фойдаланишга мўлжаллаган ҳолда экишга ҳам алоҳида эътибор қаратилмоқда. Жорий мавсумда 3 минг 571 гектар майдонда томчилатиб суғориладиган далаларда пахта экилади.

    Экиш кампаниясида 154 дона экиш агрегати ва бошқа кўплаб махсус техникалар иштирок этмоқда. Чигит экишда қатнашаётганлар учун жойларда уларнинг ишлашлари, дам олишлари ва овқатланишлари учун барча зарур шароитлар яратилган. Қишлоқ хўжалиги меҳнаткашлари экиш кампаниясини 15 апрелга қадар якунлаш учун барча чораларни кўрмоқдалар.

    Экилган майдонларда биринчи кўчатлар униб чиқмоқда.

                                                                                                                                                                                                                                                 Матбуот хизмати