Қораулбозор тумани ғаллакорларининг муваффақиятлари

   

      Қоравулбозор тумани ғаллакорлари бу йилги мавсумда юқори ғалла ҳосилини етиштириб, унинг йиғим-терим кампаниясини уюшқоқлик билан ўтказиб, республикада биринчилардан бўлиб дон етказиб бериш бўйича шартнома мажбуриятларини муваффақиятли бажаришди.

     "Бухоро Агрокластер" МЧЖ ва "Арк Еко Текстил кластери" МЧЖ агро-кластерларига қарашли 157 та фермер хўжаликлари жами 5525 гектар майдонда ғалла ўримини муддатидан олдин якунлаб, умумий хирмонга 14 минг 545 тоннадан  ортиқроқ ёки ўтган мавсумга нисбатан 2 минг тоннага кўпроқ  дон топширдилар.  "Рахим бобо", "Хайдар полвон", "Сарвар Сардор" фермер хўжаликлари гектаридан 65-70 центнердан юқори дон ҳосили етиштирдилар. Бу йилги ҳосилнинг барчаси фермер хўжаликлари томонидан эркин бозор нархларида сотилди.

     Ҳозирги пайтда  фермер хўжаликлари ғалла ўриб олинган майдонларни тозалаш ва у ерларга такрорий экинларни экиш ишларини  жадал олиб боришмоқдалар.

 

 

                                                                                                                                                                                                                                                     Матбуот маркази

Янгиликлар

ЎзА янгиликлари