O‘zbekiston Respublikasi Vazirlar Mahkamasining 2019-yil 14-iyundagi “Buxoro viloyatida zamonaviy qishloq xo‘jaligi klasterini tashkil etish chora-tadbirlari to‘g‘risida”gi 500-sonli qarori ijrosi doirasida “Buxoro Agroklaster” MChJ tomonidan to‘qimachilik sanoatini tashkil etish bo‘yicha investitsiya loyihasi amalga oshirildi. Shofirkon tumanidagi tikuvchilik buyumlari ishlab chiqarish majmuasi. Mazkur korxona qurilishi Turkiya Respublikasining “ASTAS JUKI” kompaniyasi va boshqa bir qator xorijiy tashkilotlar bilan hamkorlikda amalga oshirildi.

           Loyihani amalga oshirish uchun “Bukhara Azteks” MChJ tomonidan 92 milliard soʻmlik investitsiyalar jalb qilindi. Qisqa muddatda umumiy maydoni 12 ming 960 m2 bo‘lgan tikuvchilik korxonasi tashkil etilib, qurilish boshlanganidan 3 oy o‘tib foydalanishga topshirildi.Texnologik ishlab chiqarish liniyasi 3,2 million yevrolik zamonaviy xorijiy uskunalar bilan jihozlangan. Xususan, 22 ta ishlab chiqarish liniyasiga 660 xil “Juki” tikuv mashinasi o‘rnatildi.

         To‘qimachilik majmuasini tashkil etish orqali 1295 nafar fuqaro yangi ish o‘rni bilan ta’minlandi, shundan 755 nafar tikuvchi o‘z mahoratini zamonaviy ommaviy ishlab chiqarishda qo‘llash imkoniyatiga ega bo‘ldi. Korxonaning yillik ishlab chiqarish quvvati 12,5 million dona tikuvchilik buyumlarini tashkil etadi. Keyinchalik yillik quvvati 16 million dona tayyor mahsulotga yetkaziladi.

         To‘qimachilik majmuasining eksport hajmi umumiy ishlab chiqarish hajmining qariyb 80 foizini tashkil etib, xorijiy iste’molchilarga sotishdan yiliga 264 milliard so‘mdan ortiq daromad olish rejalashtirilgan.

          To‘qimachilik majmuasi o‘z ishini boshladi va ayni paytda mahsulotning birinchi partiyasini iste’molchilarga jo‘natishga tayyorlamoqda.

                                                                                                                                                                                                                                 Matbuot markazi