"Бухоро Агрокластер" МЧЖда ишловчиларнинг ҳамда аҳолининг кам таъминланган қисмини ижтимоий қўллаб-қувватлаш борасида ишлар изчил олиб борилмоқда. Махаллалар ва меҳнат коллективларида кам таъминланган фуқароларга бу борада моддий ёрдам кўрсатиш чора-тадбирлари доимий равишда амалга оширилмоқда.

Ушбу тадбирлар доирасида яқинда "Бухоро Агрокластер" МЧЖнинг пахта тозалаш корхоналарига бириктирилган Бухоро вилояти маҳаллаларида кам таъминланган фуқаролар учун ўсимлик ёғини арзонлаштирилган нархларда етказиб бериш ташкил этилди.

Жумладан, Ғиждувон туманида 208 мингдан зиёд аҳоли истиқомат қиладиган 75 та маҳаллада 188 тонна пахта ёғи тарқатилиши амалга оширилди. Вобкент туманининг 44 маҳалласида кам таъминланган фуқароларга 85 тонна, Когон туманидаги 53 мингга яқин аҳоли яшайдиган 22 маҳаллада эса 47 тонна ёғ тарқатилди.

Агрокластернинг пахта тозалаш корхоналарига бириктирилган 207 маҳаллада жами 468 тоннадан ортиқ пахта ёғи арзон нархларда тарқатилди.

"Бухоро Агрокластер" МЧЖда аҳолини ижтимоий қўллаб-қувватлаш ишлари давом этмоқда.

                                                                                                                                                                                                                                                                                                           Матбуот маркази.