“Бухоро Агрокластер” МЧЖга қарашли фермер хўжаликлари ва корхоналари бу йилги мавсумда 19641 гектар майдонда мўл ғалла ҳосили етиштирдилар. Етиштирилган ҳосилнинг ўрим-йиғим кампаниясини агрокластер ғаллакорлари  қисқа муддатларда уюшқоқлик билан ўтказишди ва дон жамғариш бўйича мўлжалланган марраларга эришдилар.   

           “Элач Шабнами” (Вобкент тумани), “Азим Аваз Азиз Барака” (Ғиждувон тумани), “Ҳалимтош Истам даласи” (Шофиркон тумани) каби илғор фермер хўжаликлари ҳамда “Бухоро Сервис Агрокластер” МЧЖ (Пешку тумани) ғаллакорлари  бу йилдаги фидокорона меҳнатлари билан ҳар бир гектар майдондан  65-70 центнердан ғалла хирмонини яратдилар.

          Йиғиб олинган ҳосилдан 52790 тонна дон давлат корхоналарига топширилиб, шартномавий режаларини 101,7% га бажарилди.

          Шу билан бир қаторда дон корхоналарига вақтинчалик сақлаш ва биржада эркин нархда сотиш учун 876 тонна буғдой дони жамғарилди.

Белгиланган чора-тадбирларга биноан ғалладан бўшаган ерларга такрорий экинлар экиш ташкил қилинмоқда ҳамда  талабларга асосан аҳолига экин экишга ажратиб берилмоқда.

                                                                                                                                                                                                                                             Матбуот маркази