Жорий йилнинг 25 январь куни Кишлок хўжалиги  вазирининг биринчи уринбосари Тешаев Шухрат Жўракулович Ўзбекистон Республикаси Бош вазири ўринбосари Ш.М.Ғаниев рахбарлигидаги Ишчи гурухи таркибида  Бухоро вилояти Пешку туманидаги “Бухоро Сервис Агрокластер“ МЧЖ ғаллачилик кластери томонидан экинларни ёмғирлатиб суғоришни жорий этиш жараёни билан танишди.

     Шунингдек, шу худуднинг КА-12 коллектор эски кўприкни реконструкция килиш масаласи буйича тегишли масъулларга керакли кўрсатма берилди.

     Эртаси куни ушбу Ишчи гуруҳ Бухоро вилоятида муомаладан чиқиб кетган қишлоқ хўжалиги экинлари ерларини ва чўл яйловларини қайта фойдаланишга киритиш  бўйича олиб борилаётган ишлар билан танишди.

     Вилоятнинг Когон туманида “Бухоро Агрокластер” МЧЖ томонидан Ўртачўл ҳудудида 10 минг гектар майдонларни қайта фойдаланишга киритиш, чўл ва яйлов ерларни ўзлаштириш режалаштирилган.

     Бугунги кунда, кластер томонидан 1,5 минг гектар муомиладан чиқиб кетган  қишлоқ хўжалиги экин ерлари қайта фойдаланишга киритилди. Шундан, 2022 йил ҳосили учун 580 гектар майдонга кузги бошоқли дон экинлари экиб, парваришланаётган бўлса, қолган майдонлар эрта баҳорги экинларни экиш учун тайёрланмокда.

    Шунингдек, кластер томонидан  янги экин майдонларини ўзлаштириш учун 300 ортиқ ишчилар хамда 70 дан зиёд юқори унумли қишлоқ хўжалиги техникалари жалб килинган.

                                                                                                                                                                                                                                                            Матбуот хизмати