Ишлаб чикариш натижалари
“Бухоро Агрокластер” маъсулияти чекланган жамият тасарруфидаги пахта тозалаш корхонларида 2020 йилнинг йил январ-август ойларида 405 миллиард сўмлик товар маҳсулотлари ишлаб чиқарилди.
Шунингдек, шу даврда тизимда фаолият юритаётган кам таъминланган ва ногиронлиги бўлган касаначилар томонидан 1 миллиард 689 миллион сўмлик халқ истеъмол моллари ҳамда тизим учун зарур инвентарлар тайёрлаб берилди.
Тизим корхоналари бўйича асосий иқтисодий кўрсаткичларнинг ўсиш суръатлари ўтган йилнинг шу даврига нисбатан 121,9 фоизни ташкил этди.
Пахта тозалаш корхоналари томонидан 2019 йил ҳосилидан тайёрланган 150 минг 603 тонна пахта хом ашёси яхши сифатларда тўлиқ қайта ишланиб бўлинди.
Жумладан, ушбу ҳосилдан 621 миллиард сўмлик 52 минг 84 тонна пахта толаси ишлаб чиқилди.
Жами бўлиб 126 миллиард сўмлик 77 минг 218 тонна уруғлик ва техник чигит тайёрланди. Бундан ташқари 7 миллиард сўмлик момиқ ва бошқа қўшимча маҳсулотлар ҳам тайёрланди.
2019-2020 йиллар мавсумида пахта хомашёсини қайта ишлашдан тайёрланган маҳсулотларнинг миқдори 754 миллиард сўмни ташкил этди.
